قائد ملت جعفریہ پاکستان شہید دیدار علی جلبانی کے چہلم میں شرکت کے لئے گوٹھ رحیم خان جلبانی ٹہری میرواہ پہنچ گئے

جعفریہ پریس -قائد ملت جعفریہ پاکستان حضرت آیت اللہ علامہ سید ساجد علی نقوی شہید دیدار علی جلبانی کے چہلم میں شرکت کے لئے گوٹھ رحیم خان جلبانی ٹہری میرواہ خیر پور پہنچ گئے-جعفریہ پریس کی رپورٹ کے مطابق جب قائد ملت جعفریہ پاکستان حضرت آیت اللہ علامہ سید ساجد علی نقوی خیرپورسے ٹہری میرواہ کے راستے گوٹھ رحیم خان جلبانی روانہ ہوئے تو سخت سردی کے باوجود تنظیمی کارکنان ، جے ایس اورجعفریہ یوتھ سمیت موٹر سائیکلوں پرسوار سینکڑوں نوجوان اپنے محبوب قائد کی استقبالیہ ریلی میں شامل رہے جبکہ مرکزی نائب صدرشیعہ علما کونسل علامہ سید ارشاد حسین نقوی ، صوبائی صدرشیعہ علما کونسل علامہ محمد باقر نجفی، ضلعی صدرشیعہ علما کونسل علامہ سید اسد اقبال زیدی اورعلامہ سید محسن علی نقوی سمیت مختلف سماجی مذہبی شخصیات کی کثیر تعداد قائد ملت جعفریہ کے ہمراہ تھے اور راستے بھرنوجوانوں نے استقبالیہ نعرے لگائے- رپورٹ کے مطابق جب قائد ملت جعفریہ پاکستان حضرت آیت اللہ علامہ سید ساجد علی نقوی جلسہ گاہ پہنچے تو پورا پنڈال لبیک یاحسین ، جنهن قوم جو نعرو علی ولی ان قوم جو قائد ساجد علی، ساجد سا ہوا ہے قائد نصیب نصر من الله فتح قریب کے فلگ شگاف نعروں سے پوری فضا گونج اٹھی-