نبی رحمت ؐ نے پیغام توحید کے ذریعہ سرحدی امن و سلامتی کے قیام میں ابرکرم کی طرح برسات برسائی ۔ آج کے دن امن و سکون ، عدل و انصاف کے متلاشی معاشرے تک محمدی پیغام پہنچانا فرض ہے۔ علامہ محمد رمضان توقیر

جعفریہ پریس ہفتہ وحدت ، میلاد محمد ؐ و صادق آل محمد کی مناسبت سے بچوں کے تقریری و قرآت و نعت خوانی کے مقابلہ کے پروگرام سے بطور مہمان خصوصی خطاب کرتے ہوئے کہا کہ آج دنیا عدل و انصاف خالی ظلم وستم سے بھر گئی ہے ۔ 14سو سال پہلے نبی رحمت نے جس فلاحی و اسلامی معاشرے کی تشکیل کی تھی آج دشمنان اسلام نے ہمیں فقط رسم و رواج اور مسلک تک محدود کر دیا ہے ہم نے اسلام کے آفاقی نظام کو مسلک و فرقہ کے تعصب میں گرفتار ہو کر بے اثر کر دیا ہے آج مشرق سے مغرب شمال سے جنوب اسلام کا نام کم اور فرقہ و مسلک کا نام زیادہ ملے گا۔ کوئی خطہ ایسا نہیں جہاں ماحول پر سکون ، جہاں عدل و انصاف کا دور دورہ ہو ۔ جہاں ظلم و ستم کا نام و نشان نا ہو ، جہاں لوگ عفو و درگزر سے کام لیتے ہوں جہاں ایک دوسریکے حقوق کا خیال کیا جاتا ہو
جشن میلاد کے سلسلے میں سید علیاں میں فکر صادقین سیمینار سے بہت بڑے اجتماع سے خطاب کرتے ہوئے انہوں نے کہا کہ امام جعفر صادق ؑ کی کلاس میں 40 ہزار کے قریب شاگرد حاضر ہوتے تھے۔ انہوں نے اس وقت جدید علوم سے اپنے شاگردوں کو روشناس کرایا جو بعد میں امت کے امام کہلائے۔ ڈیرہ سٹی میں بچوں کے تقریری، نعت خوانی اور قرآت کے مقابلہ کی تقریب میں سنی شیعہ دینی مدارس کے بچوں نے حصہ لیا ۔ تقریب سے خطاب کرتے ہوئے کہا کہ آج رسالت ماب کی تعلیمات کی عملی تصویر ہمارے سامنے ہے۔ جو انہوں نے اتحاد ووحدت ، محبت کی تعلیم دی تھی۔ آج کے یہ بچے کل کے عالم ہوں گے۔ اور ایسی ہی معاشرے کی فضا بنائیں گے۔ جس میں عفو و درگزر و برداشت ہو ۔ ایک دوسرے کا احترام ہو ۔
پروگرام کے آخر میں علامہ محمد رمضان توقیر نے پوزیشن ہولڈر بچوں میں انعامات تقسیم کیے۔