ٹیکسلا ، خطیب اہلبیت مولانا سید ظفرعلی شاہ مرحوم کی نمازجنازہ قائد ملت جعفریہ پاکستان کی اقتداء میں ادا کردی گئی

جعفریہ پریس – ٹیکسلا ، خطیب اہلبیت مولانا سید ظفر علی شاہ مرحوم کی نماز جنازہ نمائندہ ولی فقیہ و قائدملت جعفریہ پاکستان حضرت آیت اللہ علامہ سید ساجد علی نقوی کی اقتداء میں ادا کردی گئی، تفصیلات کے مطابق ٹیکسلا مومنین کے ہمدرد و ہر دلعزیزمولانا ظفرعلی شاہ مرحوم کی نماز جنازہ امام بارگاہ پیر شاہ فتح حیدر صفدر، ٹیکسلا میں قائد ملت جعفریہ پاکستان و نمائندہ ولی فقیہ پاکستان علامہ سید ساجد علی نقوی کی اقتداء میں ادا کر دی گئی۔ نماز جنازہ میں شیعہ علماء کونسل پاکستان کے مرکزی سیکرٹری جنرل علامہ عارف حسین واحدی، مقامی علماء کرام ، دینی ، سماجی شخصیات سمیت اہلیان علاقہ نے کثیر تعداد میں شرکت کی، اس موقع پر رقت آمیز مناظر دیکھے گئے جبکہ ہر آنکھ اشکبار تھی ۔ جعفریہ پریس کے نمائندے کی رپورٹ کے مطابق قائدملت جعفریہ پاکستان حضرت آیت اللہ علامہ سید ساجد علی نقوی نے سوگوار لواحقین باخصوص مرحوم کے صاحبزادے سید عمار شاہ سے تعزیت بھی کی۔