• کوئٹہ میں ہونے والی دہشتگردی کی مذمت کرتے ہیں شیعہ علماء کونسل پاکستان
  • علامہ شبیر حسن میثمی کا علامہ سید علی حسین مدنی کے کتابخانہ کا دورہ
  • مفتی رفیع عثمانی کی وفات سے علمی حلقوں میں خلاء پیدا ہوا علامہ شبیر حسن میثمی
  • مسئول شعبہ خدمت زائرین ناصر انقلابی کا دورہ پاکستان
  • علامہ عارف واحدی کا سید وزارت حسین نقوی اور شہید انور علی آخوندزادہ کو خراجِ تحسین / دونوں عظیم شخصیات قومی سرمایہ تھیں
  • علامہ شبیر میثمی کی وفد کے ہمراہ علامہ افتخار نقوی سے ملاقات
  • شیعہ علماء کونسل پاکستان کے وفد کی مفتی رفیع عثمانی کے فرزند سے والد کی تعزیت
  • سید ذیشان حیدر بخاری متحدہ طلباء محاذ کے مرکزی جنرل سیکرٹری منتخب ہوئے ۔
  • شیعہ علماء کونسل پاکستان کے اعلی سطحی وفد کی پرنسپل سیکرٹری وزیر اعظم پاکستان سے تعزیت
  • شیعہ علماء کونسل پاکستان کی نواب شاہ میں پریس کانفرنس

تازه خبریں

گلگت بلتستان کے الیکشن میں انتخابی عمل کو بھرپورانداز میں آگے بڑھایا جائیگا، سید وزارت حسین نقوی

جعفریہ پریس – اسلامی تحریک پاکستان کے مرکزی سیاسی سیل کا ایک اہم اجلاس مرکزی سینیئر نائب صدر و سربراہ سیاسی سیل سید وزارت حسین نقوی کی سربراہی میں مرکزی آفس راولپنڈی میں منعقد ہوا، جسمیں پنجاب، سندھ، خیبر پختونخواہ، آزاد کشمیر، گلگت بلتستان سمیت ملک بھر سے سیاسی سیل کے ممبران نے شرکت کی۔ اجلاس میں قائد ملت جعفریہ  پاکستان حضرت آیت اللہ علامہ سید ساجد علی نقوی نے خصوصی  شرکت کی۔ اجلاس میں ملک کی موجودہ صورتحال پر تفصیلاً غور و غوص کے بعد اہم فیصلے کئے گئے۔ اجلاس میں دہشت گردوں کے خلاف کاروائیوں کی حمایت سمیت آپریشن ضرب عضب، 21ویں ترمیم اور فوجی عدالتوں کے قیام کو دہشت گردی کے خاتمہ کے لئے نیک شگون قرار دیا گیا۔ اجلاس میں گلگت بلتستان کی قانون ساز اسمبلی کے انتخابات کے حوالے سے تفصیلی غور و غوص کیا گیا اور فیصلہ کیا گیا کہ جی بی کے الیکشن میں بھرپور انداز میں حصہ لیا جائے گا۔
اس اہم اجلاس میں گلگت بلتستان کا سیاسیی سیل تشکیل دے دیا گیا اور مرکزی جنرل سیکرٹری علامہ عارف حسین واحدی کی سربراہی میں سیاسی پارلیمانی بورڈ کا بھی اعلان کیا گیا، جو انتخابات کے عمل کو بھرپور انداز میں آگے بڑھائے گا، اُمیدواروں سے درخواستیں وصول کرکے اپنے امیدوار فائنل کرے گا۔ اجلاس میں گلگت بلتستان کے انتخابات کے منشور بنانے کے لئے علامہ شبیر حسن میثمی کی سربراہی میں کمیٹی تشکیل دی گئی ہے، کمیٹی کے دیگر اراکین کا اعلان جلد ہی کر دیا جائے گا۔  اجلاس میں یہ بھی فیصلہ کیا گیا کہ مثبت سیاسی قوتوں کے ساتھ مشاورت کا عمل جاری رہے گا۔ اجلاس سے خطاب میں مرکزی سیکرٹری جنرل علامہ عارف حسین واحدی نے کہا کہ گلگت بلتستان کو پانچواں صوبہ بنوانا، آئینی حقوق دلاوانا، قومی اسمبلی اور سینیٹ میں جی بی کے لوگوں کو نمائدگی دلوانا، خطہ کی محرومیوں کے خاتمہ اور عوام کی فلاح و بہبود کیلئے جدوجہد کرنا، علاقے میں امن و امان اور اتحاد بین المسلمین کی فضا کو عام کرنا جیسے اہم نکات ہمارے مشور کا بنیادی حصّہ ہونگے۔