علامہ عارف حسین واحدی کا اہلسنت کے اجتماع میں خطاب

راولپنڈی،گولڑہ شریف:اھلسنت برادران اور مشائخ عظام کی ملک میں سب سے بڑی درگاہ آستانہ عالیہ گولڑہ شریف میں شیعہ علما کونسل کے مرکزی سیکریٹری جنرل علامہ عارف حسین واحدی کا اھلسنت کے بھت بڑے اجتماع سے خطاب،قادیانیت کے خلاف اعلیحضرت پیر مھر علی شاہ کی جدوجہد کی مناسبت سے ایک عظیم الشان کانفرنس ــ عالمی خاتم النبیین کانفرنس ــ میں علامہ صاحب نے شرکت اور خطاب کیا علامہ واحدی صاحب کو گولڑہ شریف کے سجادہ نشین جناب پیر غلام معین الحق صاحب کی طرف سے مدعو کیا گیا اور کانفرنس کی آخری نشست کے آخر میں خطاب کرایا مولانا فضل الرحمان،وفاقی وزیر احسن اقبال،وزیر اعظم کے خصوصی نمائندے ان کے داماد کیپٹن صفدر،مولانا غفور حیدری ڈپٹی چیئرمین سینیٹ،ڈپٹی سپیکر نیشنل اسمبلی،تمام مسالک کے بزرگ علما،پورے ملک کے درگاھوں کے سجادہ نشین حضرات اور عوام کی کثیر تعداد شریک تھی علامہ عارف واحدی نے خطاب کرتے ھوئے کہا کہا پیر مہر علی شاہ کی عالمی سازش قادیانیت کے خلاف جدوجہد کو خراج تحسین پیش کرتے ھیں،ان کے ساتھ اس جدوجہد مہں تمام مسالک کے علما کرام شریک تھے اس وقت امت اسلامیہ کی مشکلات کا ذکر کرتے ھوئے علامہ واحدی صاحب نے کہا کہ اسلام امن اور سلامتی کا دین ھے دنیا میں اسلام کا تعارف بہتر انداز میں علما و مشائخ نے کرایا اسلام مغرب کے دروازوں پر دستک دینے لگ گیا تھا مغرب کو اسلام سے خطرہ محسوس ھوا تو قادیانی جیسے اپنے ایجنٹ کے زریعے اسلام پر ضرب لگانے کی کوشش کی جو اتحاد امت کے ذریعے ناکام ھوئی،اس کے علاوہ سامراجی قوتوں نے مسلمانوں سے روح محمدی نکالنے کے لئے مغربی کلچر کو رواج دینے کی کوشش کی مٰیڈیا کو استعمال کیا،اب تک یہ کوششیں جاری ھیں،سب سے بڑی امت مسلمہ کے خلاف سازش مسلمانوں میں اختلاف و انتشار ڈالنے کی کی گئی فرقہ واریت،مسالک میں اختلافات،انتہا پسندی،شدت پسندی،دھشت گردی کو فروغ دینے کی کوشش ھوئی جس سے دو مقاصد حاصل کرنے کی کوشش ھوئی اول اسلام کے مقدس و مبارک چہرے کو بدنام کرنے اور اسے دھشت گرددین کے طور پر دکھانے کی سازش ھوئی،دوم امت اسلامی کو آپس میں لڑا کر مسلمانوں کو کمزور کرنے کی ناکام کوشش کی گئی میں تمام مسالک کے جید علما اور مشائخ عثام کو سلام پیش کرتا ھوں کہ اس سازش کو بھانپ کر اپنی صفوں میں اتحاد کے ذریعےسامراجی اور کفریہ سازشوں کو ناکام کیا آج درگاہ عالیہ گولڑہ شریف نے یہ عظیم کانفرنس بلا کر اور تمام مسالک کے علما اور عوام کو اس میں دعوت دے کر اسلاف کی یاد تازہ کردی،جب ھم سب متحد تھے تو انگریزوں اور ھندووں سے ملک چھین لیا آزادی حاصل کی،آج امت کے خلاف ھندو اور یہودی متحد ھیں ھمارے اندر اختلاف ڈال کر ھمیں کمزور کر کے ھم پہ اپنے نظام کو مسلط کرنے کے درپے ھیں ھماری قیادت علامہ ساجد نقوی کی ،دیگر مسالک کے علما کرام سے ملکر اتحاد امت کے لئے جدوجہد کسی سے ڈھکی چھپی بات نہیں مولانا فضل الرحمان،مولانا شاہ احمد نورانی،قاضی حسین احمد،اور دیگر علما کی کاوشیں لائق تحسین ھیں بیداری کا ثبوت ھے امت اگر اسی طرح اتحاد و وحدت سے آگے بڑھتی رھی تو ھر سازش ناکام ھو گی فلسطیں و کشمیر آزاد ھو گا ،وطن عزیز بھی امن کا گہوارہ بنے گااور اسلام و مسلمان سرفراز و کامیاب ھو نگے،دشمنان اسلام ذلیل و رسوا ھونگے