اسلامی تحریک پاکستان، جعفریہ یوتھ اورجعفریہ اسٹوڈنٹس آرگنائزیشن گلگت کے زیر اہتمام عظیم الشان تاریخی یوم آزادی ریلی کا انعقاد

جعفریہ پریس – گلگت میں اسلامی تحریک پاکستان، جعفریہ یوتھ، جعفریہ اسٹوڈنٹس آرگنائزیشن کے زیر اہتمام عظیم الشان تاریخی یوم آزادی ریلی کا انعقاد کیا گیا- جعفریہ پریس کے نمائندے کی رپورٹ کے مطابق گلگت میں اسلامی تحریک پاکستان، جعفریہ یوتھ، جعفریہ اسٹوڈنٹس آرگنائزیشن کے زیر اہتمام عظیم الشان تاریخی یوم آزادی ریلی کا انعقاد کیا گیا جس میں تنظیمی کارکنان سمیت محب وطن عوام نے کثیر تعداد میں شرکت کی ، ریلی کی قیادت صوبائی وزیر پانی و بجلی دیدار علی، صوبائی نائب صدر علامہ شیخ مرزا علی اورعلامہ شیخ احسان اتحادی سمیت دیگر درجنوں علما کرام نے کی ،ریلی میں سینکڑوں موٹر سائیکلوں اور گاڑیوں کی شامل تھیں ۔۔۔  ریلی صوبائی سیکرٹریٹ شیعہ علما کونسل گلگت بلتستان پونیال روڈ سے شروع ہوئی اور شہر کے مختلف علاقوں سے ہوتی ہوئی واپس صوبائی آفس پہنچ کر اختتام پذیر ہوگئی ۔مختلف میڈیائی ذرائع کے مطابق گلگت بلتستان میں آج سب سے بڑی ریلی تھی۔