اسلامی جمہوریہ ایران کے وزیر خارجہ جواد ظریف نے امریکی میگزین ٹائم کے ساتھ گفتگو کرتے ہوئے کہا ہے کہ امریکی کانگریس کی جانب سے ایران پر کسی قسم کی نئی پابندی عائد کرنے کی صورت میں گروپ 1+5 کے ساتھ جنیوا میں ہونے والا جوہری معاہدہ ختم ہوجائے گا۔ ایرانی وزیر خارجہ نے کہا کہ ایران دباوٴ کے تحت مذاکرات کرنے کو پسند نہیں کرتا۔ اگر امریکی کانگریس نئی پاپندیاں لگائے گی تو اس سے ان کی غیر سنجیدگی ظاہر ہوگی اورایسی کوئی پابندی عائد کی گئی جس کا اطلاق چھ ماہ کے عبوری معاہدے کے بعد ہوا توبھی جوہری معاہدہ ختم ہوجائے گا۔مذاکرات کی ناکامی کے نتیجے میں ایرانی پارلیمنٹ بھی اس کے جواب میں اقدامات اٹھانے کا اختیار رکھتی ہے۔ انھوں نے کہا کہ جنیوا معاہدے کے مطابق موجودہ پابندیاں ختم کی جائيں گی اور جدید پابندیاں عائد نہیں کی جائیں گی۔
Menu
