علامہ عارف واحدی کی موجودگی میں شیعہ علماء کونسل بلوچستان کا اہم اجلاس ۔کثرت رائے سے بزرگ عالم دین علامہ سید محمد حسن مبلغ نئے صوبائی صدر منتخب

جعفریہ پریس – شیعہ علماء کونسل پاکستان کے مرکزی سیکریٹری جنرل علامہ عارف حسین واحدی کی موجودگی میں شیعہ علماء کونسل بلوچستان کا اہم اجلاس منعقد کیا گیا جس میں بلوچستان بھر سے مختلف عہدیداروں نے بھر پورشرکت کی ۔ تلاوت قران مجید سے اجلاس کا آغاز کرنے کے بعد شیعہ علماء کونسل بلوچستان کے سابق صدر مرحوم علامہ غلام مہدی نجفی کی خدمات کو خراج تحسین پیش کیا گیا اور اس کے بعد مختلف عہدیداروں نے گفتگو کرتے ہوئے قومی پلیٹ فارم کی کارکردگی بیان کرتے ہوئے کہا کہ ہمیں فخر ہے کہ ہم اس پلیٹ فارم سے تعلق رکھتے ہیں جو کہ مرحوم دہلوی سے شروع ہوا اور اس کے بعد قائد مرحوم مفتی جعفر حسین نے اس کو منظم کرتے ہوئے شیعہ قوم کی حیثیت کو متعارف کروایا اور اس کے بعد قائد شہید علامہ عارف حسین حسینی نے اپنے مقدس لہو سے اس پلیٹ فارم کو مضبوط بنایا اور موجودہ قائد ملت جعفریہ حضرت آیت اللہ علامہ سید ساجد علی نقوی نے اس پر آشوب دور میں بصیرت اور تدبر سے شیعہ قوم کے خلاف ہونیوالی ہر سازش کو ناکام بنا کر شیعہ قوم کو سربلند کیا ۔
جعفریہ پریس کے نمائندے کہ رپورٹ کے مطابق اس کے بعد صوبائی صدارت کیلئے مختلف علمائے کرام کے نام کو اعلان کیا گیا جس کے بعد کثرت رائے سے بزرگ عالم دین علامہ سید محمد حسن مبلغ کومنتخب کیا گیا ۔ علامہ سید محمد حسین مبلغ ہزارہ ٹاون میں امام جمعہ کے فرایض انجام دینے کے ساتھ ساتھ مختلف علمی اور دینی سرگرمیاں پر مصروف ہیں ۔
واضح رہے کہ اس سے قبل مرحوم علامہ غلام مہدی نجفی اس عہدہ پر فائز تھے جو کہ کچھ دن پہلے وفات پا گئے تھے ان سے پہلے علامہ یعقوب علی توسلی اس منصب پر فائز تھے جو کہ کافی عرصے سے علالت میں دچار ہیں جو کہ تمام قارئین سے ان کی صحت یابی کیلئے دعا کی التماس ہے ۔