فرقہ پرستی و انتہا پسندی دوبارہ سر اٹھا رہی ہے جسے روکنے کی ضرورت ہے،زاہد علی آخونزادہ

فرقہ پرستی و انتہا پسندی دوبارہ سر اٹھا رہی ہے جسے روکنے کی ضرورت ہے،زاہد علی آخونزادہ
ملک میں فرقہ پرستی اور شرپسندی کو رول آف لاکے ذریعے روکنے کی ضرورت ہے، ترجمان قائد ملت جعفریہ پاکستان
سانحہ گولی مار علی مسجد حیدری اور ضلع نوشہروفیروز کے گائوں دریاخان میں چہلم کے جلوس پر تکفیر ی حملہ آوروں کو قانونی شکنجے میں جکڑ اجائے،مطالبہ
راولپنڈی /اسلام آباد 26اگست 2024ء (      جعفریہ پریس پاکستان         ) زاہد علی آخونزادہ ترجمان قائد ملت جعفریہ پاکستان علامہ سید ساجد علی نقوی  نے سانحہ گولی مار علی مسجد حیدری کی شدید الفاظ میں مذمت کرتے ہوئے کہا کہ فرقہ پرستی اور شرپسندی کو رول آف لاکے ذریعے روکنے کی ضرورت ہے ۔ ہم تسلسل سے کہتے آرہے ہیں کہ  ملک میں فرقہ پرستی او ر شرپسندی کو قانون کے دائرے میں لانے کی ضروررت ہے جو نہیں لائی گئی ، فرقہ پرستی اور انتہا پسندی دوبارہ سر اٹھا رہی ہے جسے روکنے کی ضرورت ہے ۔ترجمان کے مطابق قائد ملت جعفریہ علامہ سید ساجد علی نقوی نے شہدا کی بلندی درجات اور زخمیوں کی جلد صحت یابی کیلئے دعا کی علاوہ ازیں قائد ملت جعفریہ نے ضلع نوشہروفیروز کے گائوں دریاخان اور کالا باغ میں چہلم کے جلوس پر تکفیریوںکے حملے کے نتیجے میں زخمی افراد کی صحت یابی کیلئے دعا کرتے ہوئے انتظامیہ کی طرف سے حملہ آور تکفیریوں کیخلاف اقداما ت کیئے جانے پر افسوس کا اظہار کرتے ہوئے کہا کہ انصاف کے تقاضے پورے کئے جائیں اور جنہوںنے قانون شکنی کی ہے انہیں قانونی شکنجے میں جکڑا جائے ۔ترجمان قائد نے آخر میں زائرین کی بسوں کے مختلف واقعات میں جاں بحق زائرین بالخصوص کرمان ایران میںپنڈی بھٹیاںکے زائرین کے لواحقین و پسماند گان سے اظہار تعزیت اور زخمیوں کی جلد صحت یابی کیلئے دعا کی ۔