ضلع نگر حلقہ چار، گلگت بلتستان:
مرکزی سیکرٹری جنرل اسلامی تحریک پاکستان علامہ ڈاکٹر شبیر حسن میثمی حٖفظہ اللہ کی قیادت میں اعلی سطحی وفد کی ضلع نگر کے حلقہ چار میں آمد کے موقع پر علماء کرام و تنظیمی رفقا کی جانب سے استقبال کیا گیا بعدازاں تنظیمی کارکنان کی اہم نشست سے مرکزی ذمہ داران نے خطاب بھی کیا، مرکزی سیکرٹری جنرل نے خطاب کرتے ہوئے فرمایا کہ میں شکریہ ادا کرتا ہوں کہ آپنے اتنی محبت دی، ہم مسلسل گلگت، بلتستان کے عوامی مسائل کے حل کے لیے کوشاں ہیں اس وقت بھی ہم گلگت، بلتستان کے تمام مسائل کے حل کیلئے مسلسل رابطوں میں ہیں، اس لیے جتنا تنظیمی سسٹم مضبوط اور مستحکم ہوگا تو آئندہ والے وقتوں میں گلگت، بلتستان کے عوامی حقوق کی جدوجہد اور زیادہ مضبوط اور مستحکم ہوگی، ہمارا مطالبہ واضح اور روشن ہے کہ گلگت، بلتستان کو آئینی حقوق دیئے جائیں یہاں کے عوام کا بھی حق ہے کہ قومی اسمبلی میں ان کی بھرپور نمائندگی ہو تاکہ یہاں کی غیور عوام کے مسائل قومی سطح پر اجاگر کریں، انشاء اللہ آئینی حقوق کے حصول تک یہ پر امن جدوجہد جاری رہیگے۔ آخر میں پھر بھی میں تمام احباب کا شکریہ ادا کرتا ہوں، اللہ تعالٰی آپکا حامی و ناصر ہو والسلام