جعفریہ کونسل ٹنڈوالہیار کا اجلاس شیعہ علماء کونسل پاکستان کے زیر اہتمام زینبیہ ہال امام بارگاہ باب المراد علیہ السلام ٹنڈوالہیار میں منعقد ہوا۔
اجلاس میں جعفریہ کونسل ٹنڈوالہیار کے ضلعی، تعلقہ اور یونٹس کے عہدیداران نے بڑی تعداد میں شرکت کی۔
شرکائے اجلاس نے جعفریہ کونسل ٹنڈوالہیار کے فیصلوں کی متفقہ طور پر توثیق کی اور آئندہ تنظیمی پروگراموں کے مؤثر انعقاد کے لیے عملی اقدامات پر اتفاق کیا۔
صدر شیعہ علماء کونسل ضلع ٹنڈوالہیار برادر فرحان پتافی نے کہا کہ جعفریہ کونسل ٹنڈوالہیار ملتِ جعفریہ کے تنظیمی ڈھانچے کو مضبوط بنانے کے لیے سرگرم ہے۔
انہوں نے تمام اراکین کا شکریہ ادا کرتے ہوئے کہا کہ آئندہ دنوں میں کونسل کی سرگرمیاں مزید منظم ہوں گی۔