شیعہ علماء کونسل پاکستان کے مرکزی سیکریٹری جنرل علامہ عارف حسین واحدی کی زائرین بس پر دھماکے کی شدید الفاظ میں مذمت

جعفریہ پریس – شیعہ علماء کونسل پاکستان کے مرکزی سیکریٹری جنرل علامہ عارف حسین واحدی نے زائرین بس پر دھماکے کی شدید الفاظ میں مذمت کرتے ہوئے اس مذموم کاروائی کو نا اہل حکمرانوں کے لئے سوالیہ نشان قراردیا – علامہ عارف حسین واحدی نے کہا کہ سال ٢٠١٤ کا آغاز ہوتے ہی شرپسند عناصرکی زائرین بس پرحملے کی کاروائی سے اندازہ ہوتا ہے کہ ملک دہشت گردوں کے رحم وکرم پرہے لیکن حکمراں اب تک کوئی ٹھوس پالیسی مرتب نہ کرسکے۔ انہوں نے کہا کہ ہم نے متعدد بارحکومت بلوچستان پرواضح کیا تھا کہ زائرین کی بسوں کو تحفظ دیا جائے، اگرحکومت تحفظ نہیں دے سکتی تو اپنی نااہلی کا اعتراف کرے ۔
علامہ عارف حسین واحدی نے اپنے بیان میں متاثرین سے اظہارہمدردی کرتے ہوئے زخمیوں کی جلد شفایابی کا بھی اظہارکیا-